Riker: Ju jeni ata që përherë do të jeni

Ambasadori Filip Riker para studentëve të universitetin FON foli për politikën e jashtme amerikane dhe u përgjigj pyetjeve të të pranishëmve. A është në rregull që Maqedonia ta ndërrojë emrin dhe të heqë dorë nga historia e vjetër?  Kjo pyetje nxiti edhe reagime në sallë. Riker shpjegonte se Maqedonia dhe maqedonasit kanë histori të gjatë dhe si tha të ekzistimit prej qindra vitesh të gjuhës dhe kulturës. Ai porositi se historia duhet të shfrytëzohet si kontekst, duke menduar njëkohësisht në të ardhmen.
‘Këto punë mos i bëni më të vështira se sa duhen të jenë dhe mos shpikni gjëra që realisht nuk ekzistojnë. Ju jeni ata që përherë do të jeni’, theksoi ambasadori Filip Riker.
Pavarësisht ndryshimit në administratën e Uashingtonit, ambasadori amerikan porositi se qëndrimi në raport me Maqedoninë nuk ka ndryshuar aspak.
‘Qëndrimi ynë dhe i politikës sonë në raport me Maqedoninë është konsistent. Dëshirojmë të shohim se Maqedonia i ka plotësuar të gjitha objektivat, qëllimet afatgjata në politikën e jashtme, pasi besojmë se anëtarësimi në NATO dhe procesi i aderimit në BE do të jenë shumë të mira për sigurinë dhe përparimin e Maqedonisë’, shtoi ambasadori Riker.
Ambasadori Riker dëgjoi edhe pyetje të tilla si ‘A është e vërtetë se ndërtesa e ambasadës së SHBA-së në Shkup në realitet është qendër e kundërzbulimit?’. Përgjigja ishte e shkurtër: ‘Jo’. Ai para studentëve foli edhe për objektivat e Uashingtonit në raport me problemet botërore, si situata në Afganistan, Irak, ngrohja globale dhe kriza financiare.
Fjalimi i tij në universitetin FON ishte në kuadër të aktivitetve për paraqitjen e personaliteteve të njohura para auditorit të universitetit.
Frosina Cvetkovska