Gruevski takoi liderët për ndryshimet kushtetuese

Liderët e partive kryesore politike sot kanë diskutuar iniciativën e VMRO-DPMNE-së për ndryshime kushtetuese në pjesën e pushtetit gjyqësor. Në takim ku morën pjesë lideri i VMRO DPMNE-së, kryeministri Nikolla Gruevski, kryetari i LSDM Branko Cërvenkovski , lideri i BDI-së Ali Ahmeti dhe i Demokracisë së Re Imer Selmani u vendos që fillimisht të përgatitet një version me ndryshimet që kërkohen në gjyqësor dhe më pas për to të diskutohet në takimin e radhës.
Ndërkohë lideri i Demokracisë së Re Imer Selmani këkoi që ndryshimet kushtetuese të përfshijnë edhe e votimit në Gjykatës Kushtetues më parimin e Badenterit për të pamundësuar mbivotimin e vendimet që kanë të bëjnë me shqiptarët që të mos përsëritet rasti me shfuqizimin e disa dispozitave të ligjit për flamurin flamurit kombëtar. Por, kryeministrit Gruevski ka vlerësuar së kërkesa e tillë kërkon edhe ndryshimin e Marrëveshjes së Ohrit pasi sipas tij kërkesat e Selmanit bien ndesh me këtë marrëveshja. Ndryshe, iniciativa e VMRO DPMNE-së synon rritjen e numrit të anëtarëve të Këshillin Gjyqësor Republikan që zgjidhen nga radhët e vetë gjykatësve, pastaj ministri i Drejtësisë të mos jetë më anëtar i Këshillit Gjyqësor si dhe të zvogëlohet mandati i tyre i cili zgjat gjashtë vjet. Në mënyrë plotësuese, përmes ndryshimeve ligjore, nga partia në pushtet kërkohet edhe përforcimi të kritereve për zgjedhjen e gjykatësve.
Paraprakisht, opozita vlerësoi se çdo ndryshim i Kushtetutës është hap i rrezikshëm që mund të shkaktojë edhe kërkesa tjera për ndryshime kushtetuese. /alsat-m/