Të falimetuarit me vezë dhe topa bore kundër Qeverisë

Vezë dhe topa bore ndaj policëve dhe statujave antike para ndërtesës së Qeverisë. Rreth 200 ish-punëtorë falimentues të ish ndërmarrjeve të privatizuara, kurse një pjesë të likuiduara shtetërore nga disa qytete, përsëri protestuan duke kërkuar nga Qeveria që të pranojë propozim-ligjin me të cili do të marrin nga 6 mijë denarë në muaj deri në punësimin e ri ose daljen në pension.
"Ju nuk kuptoni. Dilni e shikoni produktin tuaj se si bie nëpër rrugë, urdhëroni të shihemi!", ftonte nje punëtorë i falimentues me megafon.
Punëtorët e falimentuar kësaj radhe nuk u pritën nga asnjë qeveritar. Njëri prej tyre në detaje përshkroi se ku planifikon që t’i shpenzojë paratë, nëse qeveria e pranon propozimin.
Këta ish punëtorë me mbi 15 vjet përvojë pune, paralajmërojnë se protestën do ta vazhdojnë të martën e ardhshme në të njëjtë vend.
"Megjithatë ne presim që kryeministri të lëshojë pe, të gjejë mjete në buxhet dhe t’i zgjidh problemin e këtyre punëtorëve të falimentuar, të cilët janë në një situatë shumë të vështirë ekonomike. Thjeshtë po luftojnë për ekzistencë. Nëse Gruevski edhe sot e ngre flamurin e bardhë, në këtë rast do të duhet të kërkojmë zgjidhje tjetër, mënyra të tjera për të zgjidhjen e kësaj çështjeje", kërcënohet Dragi Jovanovski nga Lidhja e Sindikatave të Maqedonisë.
Sot para Qeverisë erdhën deputetët  e LSDM-së, PRSD-së dhe Lube Boshkoski i partisë të Bashkuar për Maqedoninë. Me ta biseduan rreth pesëmbëdhjetë minuta, iu dhanë mbështetje verbale dhe u larguan. VMRO-DPMNE-ja në pushtet përsëri akuzoi se pjesëtarët e opozitës po i organizojnë këto protestave dhe po manipulojnë me punëtorët falimentues.
Jane Dimeski