Hondurasi njeh pavarësinë e Kosovës

Republika e Hondurasit ka njohur sot zyrtarisht Kosovën shtet të pavarur dhe sovran. Vendimi për njohjen e Kosovës i është kumtuar sot Ministrit të Punëve të Jashtme të  Kosovës, Skender Hyseni nga Ministri i Jashtëm i Hondurasit, Mario Canahuati, njoftoi ministria e Jashtme në Prishtinë. Gjatë një bisede telefonike dy ministrat  gjithashtu janë pajtuar që menjëherë të fillojnë procedurat për vendosjen e marrëdhënieve diplomatike midis dy vendeve. Ministri Hyseni ka theksuar përkushtimin e Kosovës për të ndërtuar bashkëpunim dhe marrëdhënie të ngushta me këtë vend, ndërsa ministri Canahuati ka theksuar se Hondurasi është i vendosur që ta përkrahë Republikën e Kosovës në të gjitha rrafshet dhe institucionet ndërkombëtare, thuhet në njoftim.Honduras është shtet në Amerikën qendrore me një sipërfaqe prej 110 mijë km² dhe një një popullsi prej  rreth 7 milion e gjysëm.