Hashim Thaçi po qëndron në Tiranë

Hashim Thaçi dhe Sali Berisha

Kryeministri i Kosovës, Hashim Thaçi ka mbërritur për vizitë zyrtare në Tiranë, ku sot do të zhvillojë një takim me homologun e tij shqiptar, Sali Beisha. Viziat e Thaçit vjen vetëm pak ditë para fillimit të sesionit të radhës të Asamblesë së Përgjithshme të OKB-së, ku autoritete më të larta të Prishtinës dhe Tiranës do të lobojnë së bashku për njohje të reja të Kosovës shtet sovran dhe i pavarur dhe kundër projekt-rezolutës serbe, me të cilën Serbia kërkon negociata të reja për status. Të dielën për në Nju Jork do të udhëtojë presidenti i Kosovës Fatmir Sejdiu, kryeministri Hashim Thaçi dhe ministri i Punëve të Jashtme, Skënder Hyseni, të cilët nuk kanë të drejtë të marrin pjesë në punimet e asamblesë, por do të takojnë homologët e tyre në Selinë e OKB-së me qëllim shtimin e njohjeve të reja për Kosovën.Po thuajse në të njëjtën përbërje do të merr pjesë edhe Shqipëria në punimet e Asamblesë së Përgjithshme të OKB-së. Jo zyrtarisht është bërë e ditur se në Nju Jork do të shkojnë presidenti Bamir Topi, kryeministri Sali Berisha dhe ministri i Punëve të Jashtme, Ilir Meta, i cili prej disa ditësh po qëndron në Amerikën Qendrore, duke kërkuar votën kundër projekt-rezolutës serbe dhe njohjen e Kosovës. Telegrafi