Komisioneri evropian Füle nisi turin e tij në Ballkan

Komisioneri për Zgjerimin dhe Politikën Evropiane të Fqinjësisë, Stefan Füle, theksoi gjatë qëndrimit në Beograd mbështetjen e Komisionit Evropian për procesin e integrimeve evropiane të Serbisë.
"Ka shumë detyra dhe sfida në rrugën drejt BE-së, por në qoftë se Serbia me të vërtetë është e vendosur për t'u bashkuar me BE-në, atëherë edhe unë e sigurova kryeministrin që edhe Komisioni Evropian është i vendosur që ta ndihmojë atë", tha Füle pas takimit me kryeministrin serb Mirko Cvetković.
Füle nga Beogradi të enjten (18.03.) vazhdon udhëtimin e tij për në Mal të Zi dhe Bosnjë e Hercegovinë, ndërsa të premten (19.03.) ai do të vizitojë Kosovën dhe Shqipërinë. Komisioneri evropian me 20 mars udhëton për në Brdo të Sllovenisë, ku së bashku me përfaqësuesin e Këshillit të Evropës, Herman van Rompoy, do t'i bashkëngjiten konferencës për Ballkanin Perëndimor, të cilën e organizojnë Sllovenia dhe Kroacia. /dw/