Presidenti Sejdiu sot flet para Këshillit të NATO-s

Presidenti i Republikës së Kosovës, dr. Fatmir Sejdiu ka arritur për një vizitë në Bruksel, ku sot do t'i drejtohet Këshillit të NATO-s dhe do të flasë për progresin e arritur në Kosovë, si dhe për gjendjen aktuale politike e të sigurisë. Gjithashtu, Presidenti Sejdiu tha se do ta përsërisë kërkesën e tij të mëhershme, bërë sekretarit të përgjithshëm të NATO-s dhe admiralit Fitzgerald, që Kosova, qoftë edhe simbolikisht, të jetë prezente në operacionet paqësore të NATO-s. Gjatë kësaj vizite, Presidentin Sejdiu do ta shoqërojë edhe Ministri i FSK-së, z. Fehmi Mujota. /rtk/