Finlandë, zbulohet birra më e vjetër në botë

Zhytësit në Finlandë kanë gjetur në detin Baltik, birrë të vjetër 200 vjeçare. Teksa ishin zhytur të rikuperonin disa shishe shampanje, më e moçmja në botë e ngecur brenda një anije të mbytur në detin Baltik, zhytësit gjetën edhe një tjetër thesar alkoolik, tre shishe të birrës më të vjetër në botë. Zhytësit kishin plot 1 javë që projektonin futjen në ujë për rikuperimin e shisheve që i përkasin fundit të shekullit 18. Në muajin korrik u gjetën më shumë se 70 shishe, të ngecura në kantinën e anijes së mbytur në Aland. Por përveç sasisë së madhe të shisheve të shampanjës në thellësinë e 50 metrave, zhytësit rikuperuan edhe tre shishe të vogla birre. Për zhytësit, ishte e papërshkueshme ndjenja kur panë se si shishet shkumonin. Një element i tillë tregon për fortësinë e pijes. Shishet ishin me tapë, dhe asnjëra prej tyre nuk kishte kontakt me oksigjenin për t’u prishur. Temperatura e ujit por edhe errësira në fund të detit, kanë qenë elementët kryesorë të konservimit të birrës, e cila shënon më të vjetrën në botë, e gjetur ndonjëherë.  Admir Qose