Meteorët fajtor për zhdukjen e dinasurëve

Dinozaurët janë zhdukur para 65 milion vjetësh si pasojë e goditjes së dy meteorëve. Kështu dëshmojnë kërkimet më të reja shkencore amerikane.  Shkencëtarët më herët kishin gjetur një krater gjigant në gjirin e Meksikës të cilin e kanë lidhur me goditjen e meteorëve, e me këtë edhe me zhdukjen e dinozaurëve. Ndërkaq janë gjetur edhe dëshmi të tjera të cilat tregojnë se goditja e dytë e meteorëve ka ndodhur në afërsi të Ukrainës. Megjithatë hipoteza se “shi meteorësh” ka ndikuar në zhdukjen e dinozaurëve është mjaft i diskutueshëm, edhe pse zbulimi i kraterit në gjirin e Meksikos e vërteton një teori të tillë. Zbulimi i kraterit të dytë sugjeron se dinozaurët kanë humbur me goditje të dyfishtë meteorësh. Krateri në Ukrainë është zbuluar në vitin 2002 kurse sipas zbulimeve më të reja këto dy kratere, në Meksikë dhe Ukrainë nuk kanë ndodhur në të njëjtën kohë. Pas kraterit në Meksikë, i dyti ka ndodhur pas disa mijëra vjetëve. Supozohet se goditja e meteorëve është pasojë e përplasjes së trupave qiellor në afërsi të tokës. alsat-m