Studentët nuk i përdorin shkronjat e shkrimit

Sipas një studimi mjaft interesant të realizuar në SHBA, është vërtetuar se studentët e rinj të sapo pranuar në universitetet amerikane, nuk i përdorin shkronjat e shkrimit, por shkruajnë me shkronja të shtypit. Madje ata konsiderojnë se porositë që dërgohen përmes postës elektronike janë shumë të ngadalshme. Studimi i dy profesorëve universitar ka filluar që nga vitit 1998 dhe çdo vit në bazë të rezultateve të fituara, ata paraqesin portretin e gjeneratës. Kështu për këta studentë Çekosllovakia asnjëherë nuk ka ekzistuar, kurse Klint Istvud është më shumë regjisor se sa aktor. Nga ana tjetër edhe për Vudi Alen nuk dinë se ka pasur edhe gra të tjera përveç Sun dhe Previn. Sa i përket studentëve të lindur më 1980, ata njohin vetëm Papën Gjon Pali i II, i cili ka qenë në fronin e shenjtë nga viti 1978 deri më 2008. Një numër i vogël i studentëve të gjeneratës 2009 dinë të lidhin kollare, kurse shumica nga to nuk e kanë idenë se Irani dhe Iraku kanë qenë në luftë. Karakteristikë për absolventët e sivjetshëm është se për ata Gjermania asnjëherë nuk ka qenë e ndarë, kurse pirja e duhanit gjithmonë ka qenë e ndaluar në aeroplan.   Semra Jakupi