Tajvan, u përcoll viti i vjetër

Në Tajvan u përcoll me ceremoninë e fundit tradicionale me fanarë, viti i vjetër. Zyrtarisht, aziatikët kanë nisur vitin e ri, atë të tigrit. Mijëra banorë dolën në sheshe për të kryer ritualin e fanarëve dhe lëshimin e tyre në qiell. Festivali i fanarëve, mbahet në natën e parë të hënës së plotë, ose 15 ditë pas vitit të ri kinez, duke përmbyllur kështu festimet për ndryshimin e viteve. Fanarët shumëngjyrësh u lëshuan për të çuar në qiell lutjet e besimtarëve, për një vit më të mirë dhe më të mbarë. Traditë të tillë fanarësh, ndajnë edhe japonezë, meksikanët, kinezët dhe mbarë bota aziatike. Edhe në Malajzi viti i ri është festuar me forma të ndryshme. Së fundi, mijëra njerëz me rastin e vitit të tigrit, ngjyrosën fytyrën si tigër, në një fushatë që kishte për qëllim të tejçonte edhe mesazhin për ruajtjen e kësaj kafshe. Fushata për mbrojtjen nga zhdukja të tigrave është pjesë e fushatës së Fondit Botëror për Kafshët e Egra, dhe përfshin edhe Indinë, Shtetet e Bashkuara, Rusinë dhe Indonezinë.

Admir Qose