Fillojnë Mbrëmjet Strugane të Poezisë

"Asnjëherë deri tani s’kam pasur mendim të keq për Maqedoninë. Çdoherë me dashuri kam shkruar për vendin e juaj edhe pse kjo disa njerëzve si në Bullgari por edhe këtu nuk iu konvenonte dhe ende nuk iu konvenon”- rrëfehet poeti 75 vjeçar bullgar Lubomir Levçev, fituesit i sivjetmë i Kurorës së Artë të Mbrëmjeve Strugane të Poezisë. Levçev i cili pas 18 viteve përsëri është në Maqedoni, thotë se marrëdhëniet mes këtyre dy vendeve për momentin janë në nivelin më të lartë se kurdoherë.
“Mund të them se marrëdhëniet mes dy vendeve ngadalë po përmirësohen dhe ato përafërsisht janë të pastra. Por, më duhet të them se ato nuk janë mjaft të pastra siç janë ujërat e Drinit të Zi nga ku mund të pihet ujë. Mes popujve tanë shumë vite kanë ekzistuar mure politike, diçka e ngjashme me Perden e Hekurt”, deklaroi Lubomir Levçev – fitues i kurorës së artë në mbrëmjet strugane të poezisë.
Levçev thotë se është i lumtur sepse pas dhjetë viteve fiton Kurorën e Artë, çmim që për të është më prestigjioze për poetët në botë kurse Mbrëmjet strugane të poezisë manifestim më domethënës poetik. Legjenda e gjallë e poezisë bullgare dhe botërore thotë se asnjë vend në botë nuk tregon aq dashuri ndaj poetëve siç është Maqedonia. Organizatorët presin manifestim të suksesshëm këtë vit. Thonë se janë tejkaluar të gjithë problemet me të cilat janë ballafaquar.
Këtë vit në Strugë marrin pjesë edhe poeti kosovar Eqrem Basha, nga Shqipëria Agron Tufa, Mimoza Saliu dhe Arta Papamihali.
 
Miki Trajkovski