Nxënësit e shkollës ”N.Shtejn” në Tetovë, ankohen për padrejtësi

Në Shkollën e mesme mjekësore ”Nikolla Shtejn”në Tetovë u bëhet një padrejtësi nxënësve.
Kërkohen të holla nga nxënësit për sigurim për ndalimin e hyrjes së veturave në oborrin e shkollës. Ne do te ishim dakord me këtë vendim sikur ne në shkollë të kishim bufe dhe dyqane, mirëpo të gjitha këto ne i kemi jashtë oborrit të shkollës. Dalim jashtë çdo pushim e nëse ne na ndodh diçka jashtë oborrit askush nuk merr përgjegjësi, që donë të thotë se kjo që bëjnë nuk është e drejt. Kërkohen nga 350 denarë nga çdo nxënës ku shuma totale e gjithë nxënësve arrin rreth 15 mijë euro. Ne, këtë vendim nuk e shohim të arsyeshëm dhe të logjikshëm sepse nuk është e drejt duke nisur nga vet fakti se rroga e profesorëve është rreth 300 euro, ndërsa vetëm për dy persona të sigurimit kërkojnë 15mijë euro kur duhen vetëm rreth 1mijë euro. Vendosëm dhe ishim të detyruar t’ju drejtohemi juve për shkak se këtu nuk respektohet mendimi jonë dhe nuk e kuptojnë gjendjen financiare të nxënësve, madje edhe na kërcënojnë: “Nëse nuk paguani nuk do të mund t’i merrni dëftesat”. Kjo nuk ndodh askund tjetër në botë e as nuk është normale.

Autori është anonim