Zamir Dika, rektor i ri i UEJL-it

Rektori i zgjedhur para dy muajve në UEJL, profesor doktor Zamir Dika sot mori zyrtarisht detyrën nga ish rektori Alajdin Abazi. Në ceremoninë e inaugurimit merrte pjesë edhe kryetari i bordit të Universitetit Denis Farington i cili foli për historinë e këtij institucioni, si dhe falënderoi ish rektorin për punën e deritanishme. Ndërkaq rektori i ri Zamir Dika, tha se prej ditës së zgjedhjes, po punon mbi prioritetet e zhvillimit të universitetit, në aspekt të vizionit dhe menaxhimit adekuat.
“Për t’i arritur do objektiva kam identifikuar në thelb tri prioritete, i pari bashkërisht të angazhohemi të rrisim autonominë institucionale dhe respektin e individit, por njëkohësisht duke ndryshuar traditat drejt llogaridhënies dhe vlerësimit sipas meritës e performancës. Do punojmë në përforcimin e identitetit të këtij universiteti për të motivuar përkrahur e bashkëvepruar si dhe mësimin hulumtimin dhe inovacionin ta vendosim në dispozicion të nevojave të komunitetit dhe në funksion të krijimit të dijes së re”, tha  Zamir Dika/rektor i UEJL-së. Bashkim Sulejmani