Vajza 14 vjeçare , e gjatë 2 metra

Një 14 vjeçare nga Brazili po thyen rekord me gjatësinë e saj jonormale. Në këtë moshë ajo ka arritur gjatësinë prej 2 metra e 6 cm, dhe rritja e saj vazhdon ende për shkak të sëmundjes së quajtur ‘gjigantizëm’. Një gjatësi e tillë, 14 vjeçares Elisani Silvia po i vështirëson jetën. Ajo ka braktisur shkollën pasi nuk mund të udhëtojë më me autobusin e shkollës, ndërsa nuk mund të luaj asnjë sport as me bashkëmoshataret e saj. Nga ana tjetër dhimbjet e kokës dhe të kockave i shkaktojnë probleme të vazhdueshme.“Mendoj se gjatësia ime, trupi dhe beli im i hollë… çdo kush që më sheh më thotë se duhet të bëhem basketbolliste apo modele, unë preferoj të bëhem modele” shprehet vajza Elisani Silva.14 vjeçarja ka ëndrra, edhe pse nuk e di se sëmundja e gjigantizmit nga e cila vuan, mund t’i shkaktojë vdekjen. Hormonet e saj nxitin rritjen, dhe çrregullimi i vazhdueshëm mund të shkaktojë të tjera probleme shëndetësore për të. Megjithatë, vajza jeton me ëndrrën që në shtator, të ngjitet për herë të parë në pistën e Balemit për të sfiduar fustane nusërie. Semra Jakupi