Traditat e pazakonta të shamanëve nga Siberia

Valentin Hagdaev ditën e tij të punës e fillon duke përqafuar familjen e tij. Por puna e tij nuk është e zakonshme dhe me orar të caktuar – ai është shaman tradicional nga Siberia. Valentini është lindur në një familje tradicionale që edhe përkundër regjimit sovjetik i ka praktikuar zakonet dhe ritualet e vjetra.
“Ne e respektojmë historinë dhe kulturën tonë me të gjitha zakonet që i kemi. Ne e adhurojmë flakën e shenjtë, paraardhësit tanë, të mirat nga qielli dhe toka, dielli dhe hëna. Ne e adhurojmë kreatorin e universit dhe nënën-natyrë. Ne po përpiqemi të jetojmë në harmoni me natyrën dhe me vetveten. Çdo vit lutemi dhe e ftojmë shiun për bimët tona”, deklaon Valentin Hagdaev – shaman nga Siberia.
Aktivitetet e shamanit Hagdaev zhvillohen afër Liqenit Baikal ku besohet se ai si medium do të lidhet me shpirtrat e mirë dhe se përmes tyre do të ndikojë të bie shi. Besohet se shamanët janë si mediumë që komunikojnë me njerëzit, natyrën dhe botën shpirtërore. Kjo praktikë kohëve të fundit bëhet gjithnjë e më atraktive për turistët, të cilët së bashku me shamanët nga Siberia i praktikojnë këto rituale të pazakonta.

Frosina Pandurska –Dramiqanini