Një gjyshe 70 vjeçare, DJ simpatike

Në Francë, një gjyshe 70 vjeçare njihet si DJ më simpatike në gjithë vendin. Ajo mund të bëjë muzikë elektronike, apo të miksojë edhe hite të vjetra, dhe tashmë ka krijuar një karrierë dhe një rreth fansash të vetë. Gjyshja ndihet mirë me profesionin e saj, e madje nuk pranon të dalë as në pension.

Ruth Flavers është një gjyshe të pazakontë e cila nuk dëshiron të dalë as në pension. Ajo në fakt është DJ dhe pothuajse çdo natë luan muzikë në ndonjë prej klubeve të natës në Francë. Pasioni i saj i muzikës ka filluar para disa vjetësh në një festë tek nipi i saj dhe prej atëherë kjo gjyshe 70 vjeçare është e famshme për ‘old scul hite’ dhe ‘elektro muzik’, madje ajo do të lëshojë në treg edhe ‘singlin’ e parë të saj këtë pranverë.
‘Familja ime mendon se është fantastike që merrem me muzikë. Djali im thotë: Mami, ti këtë duhet të bësh! Unë në fakt jam këngëtare dhe nuk kam ndërmend që të dalë në pension. Nëse keni energji, entuziazëm si dhe dëshirë për muzikën atëherë nuk ka nevojë që të ndaleni. Do të luaj muzikë, deri sa të mundem, dhe deri sa fëmijëve t’iu pëlqejnë, pasi ata janë faktor i rëndësishëm”, shprehet Ruth Floëers, DJ.
Gjyshja ka ndihmë nga kolegët e saj më të rinj pasi siç thotë ajo, nuk ka shumë përvojë me teknologjinë e re. E veshur me një xhaketë të gjelbër prej sateni, gjyshja me performancën e saj e befasoi publikun gjatë Festivalit të filmit në Kan. Disa prej tyre nuk kishin besuar se ajo do të bëhej e famshme, por gjyshja 70 vjeçare, ia doli mbanë dhe ka plane të mëdha për karrierën e saj në Francë.

Frosina Pandurska –Dramiqanin