Qenushit pa këmbë, i mundësohet të ecë

I lindur pa këmbët e përparme, qenushi Hoppa në Izrael, tani mund të vrapojë dhe të shëtis me ndihmën e një proteze speciale të krijuar për të nga një student i Fakultetit të Arteve. Përmes këtij mjeti qenushi tani mund të jetojë një jetë normale dhe pa ndjerë mungesën e gjymtyrëve që i mungojnë. Edhe pse ky mjet është krijuar pikërisht për qenin Hoppa, parashikohet që do të ndihmojë në zhvillimin e jetës së kafshëve të lindur me gjymtyrë të amputuar.
“Përmes kësaj karroce e cila ika rrotat e ndara, qeni mund të ngjitet edhe në pjerrësi. Gjithashtu i mundëson atij të ulet dhe të ngrihet me një lëvizje të thjeshtë”, thotë Nir Shalom, student që krijon proteza për kafshët.
Kjo pajisje ka edhe pjesë ndihmëse të integruar për qentë që nuk mund të mbajnë drejtpeshimin me mundësi që të largohet më pas.
Prototipi është krijuar në bazë të përmasave të qenit Hopa, kurse krijuesi i tij Shalom, ka bërë të ditur se do të krijojë proteza të tilla në madhësi të ndryshme për t’iu përgjigjur edhe qenve më të mëdhenj apo të vegjël. 

Semra Jakupi