Ekspozitë e këpucëve të vjedhura në Korenë e Jugut

Është e zakonshme të dëgjojmë për ekspozita të ndryshme në shumë vende të botës, por për herë të parë dëgjojmë për ekspozitën e këpucëve të vjedhura. Pikërisht në Korenë Jugore, policia ka ekspozuar rreth 1700 këpucë, me qëllim që pronarët e tyre të mund të shkojnë për t'i gjetur ato. Nga Stacioni policor në Suel kanë bërë të ditur se këpucët do të jenë të ekspozuara për publikun në kopshtin e pas stacionit për 2 ditë. Policia javën e kaluar kishte dyshuar se një pronar dyqani për këpucë të dorës së dyte kishte vjedhur 1700 palë këpucë, gjysma e të cilave kanë qenë nga dizajnerë brendesh të shtrenjta. Këpucët kanë qenë të vjedhura nga ceremonitë e varrimit dhe spitalet e mëdha. 
“Ne konfiskuam 1720 palë këpucë te shtëpia e tij, por ai ka refuzuar të pranojë krimin, duke thënë se i ka blerë ato për arsye se i pëlqejnë dizajnerët e këpucëve të dorës së dytë”, thotë Park Sang-oh, detektiv në Stacionin Policor Suseo.
Deri më tani rreth 260 njerëz kanë shkuar në stacionin policor me shpresë se do t’i gjejnë këpucët e tyre të humbura, por vetëm 69 këpucë i janë kthyer pronarëve të tyre.
Semra Jakupi