Zbatimin i reformave kyçe për integrimin e vendit, kërkon dialog të brendshëm efikas, kështu vlerësojnë ekspertët e kësaj fushe, duke shtuar se reformat nuk do të kenë asnjë efekt pa përfshirjen e opozitës. Sipas tyre mungesa e dialogut të brendshëm rrezikon mos-marrjen e rekomandimit për fillim të negociatave. Kërcënimi i Opozitës për mos-mbështetje të reformave erdhi pas zhvillimeve të fundit me arrestimet e funksionarëve të saj të lartë, të cilët akuzohen për cenim terrorist të vendit, për ngjarjet e 27 prillit.

Si kusht që Maqedonia t’i kthehet rrugës së saj euro-atlantike patjetër se kërkohet një bashkëpunim me opozitën. Pra do të ishte I domosdoshëm një bashkëpunim më I madh, më konstruktiv, më inkluziv, gjithëpërfshirës midis opozitës dhe Qeverisë së këtij vendi. Këtë e kërkon Komisioni Evropian. Këtë e kërkon bashkësia ndërkombëtar. Këtë e kërkon demokracia dhe këtë e kërkon funksionimi I shtetit juridik. Prandaj është e domosdoshme që opozita në rrethana të tilla të jetë plotësisht e vetëdijshme se duhet t’i kthehet procesit të stabilizimit- deklaroi profesor universitar Mersim Maksuti.

Simonida Kaçarska nga Instituti për Politikë Evropiane vlerëson se më 23 dhjetor kur Kongresi I VMRO DPMNE-së do të vendos për dorëheqjen e Nikolla Gruevskit nga posti I kreut të partisë do të vuloset edhe qasja e kësaj partie ndaj reformave. Ajo gjithsesi I apelon VMRO-së të kthehet në institucione, pasi kjo gjë do të ishte në favor të partisë dhe të vendit njëkohësisht.

Në asnjë rast nuk do të jetë mirë për shtetin nëse kemi bojkot të institucioneve dhe këtë e kemi parë dhe përjetuar më parë. Vlerësoj se partitë kanë mësuar se dalja nga institucionet nuk është shpesh zgjidhje. (4:20-4:47) Pjesëmarrja e opozitës në institucione I siguron pushtet dhe ndikim në procese. VMRO DPMNE-ja udhëheq me një numër të madh komisionesh në Kuvend dhe përmes tyre dhe përmes punës në shtëpinë ligjvënëse mund të ndikojë në drejtimin në të cilin do të lëvizin prioritetet kyçe- deklaroi Simonida Kaçarska, Instituti për Politikë Evropiane.

VMRO DPMNE-ja fillimisht kërkoi që të përfshihet në hartimin e reformave, por këtë qasje e ndryshoi pas para burgosjes së deputetëve të saj për dhunën në Kuvend, pas çka filloi t’i bojkotojë institucionet lokale dhe ato qendrore. Ndërkaq ditë më parë Euro-komisari për Fqinjësi dhe Zgjerim, Johanes Han u shprehë i prerë se Maqedonia duhet të jetë e përkushtuar në procesin e reformave dhe se përpjekjet që vijnë nga ky vend duhet të kenë edhe vulën e opozitës.

Anesa Salihu

Shpërndaj me