Unifikimi i opozitës shqiptare shënon ngecje!

Bashkëpunimi RDK – PDSH, shënon ngecje. Këtë  në mënyrë indirekte e pranon edhe kreu i Rilindjes Demokratike Kombëtare, Rufi Osmani, i cili, fajin për këtë e merr mbi vete. Sipas Osmanit ngecja vjen si rezultat i mungesës së zyrave të partisë së tij. Kreu i RDK-së thekson se me Thaçin kanë realizuar edhe dy takime tjera, të cilat i cilëson si takime private dhe që nuk kanë rezoltuar me ndonjë veprim konkret. Ndërkohë, Osmani shprehet i kënaqur nga bashkëpunimi në nivel lokal, gjegjësisht nga bashkëpunimi me kryetarin e komunës së Tetovës Sadi Bexhetin.
“Në nivel partiak, ndoshta duket se ka një ngecje në bashkëpunim për arsye se ne jem i në fazë të konsolidimit të strukturave partiake. Ndërsa ka qenë gjithashtu edhe ndërrimi i moteve dhe që ka qenë një pengesë do të thotë për funksionim ose për një bashkëpunim më efektiv dhe nuk ka indikacione për të dyja palët se ka ndonjë problem të kësaj natyre. Flas në emër të RDK-së, ne këtij bashkëpunimi i jemi qasë në mënyrë serioze dhe mendojmë se duhet të jetë i dobishëm për të dy palët. Nuk ka pengesë në kuptim të realizimit të këtij takimi, problemi qëndron te ne, ne jemi duke funalizuar dy zyra tona të reja që shumë shpejtë do ti rihapin në komunën e Çairit në Shkup, dhe ideja ime ka qenë që ne takimin e radhës ta realizojmë në zyrat qendrore të RDK-së në Shkup”, deklaroi Rufi Osmani, kryetar i RDK-së.
Kreu i RDK-së Osmani, kohë më parë ka realizuar takim edhe me kryetarin e Strumicës Zoran Zaev, i cili, vjen nga radhët e  LSDM-së, por shprehet se takimi ka qenë në vazhdën e bashkëpunimit lokal. Megjithatë gjatë takimit është biseduar edhe për preokupimet politike në vend siç është çështja e emrit dhe fyerjet e fundit drejtuar në adresë të shqiptarëve. Osmani nuk përjashton mundësin e bashkëpunimit me partinë e Cërvenkovskit, por pret që ai të kërkoj falje për gabimin që e ka bërë në të kaluarën.
“Në këtë takim nuk është bashkëbiseduar për ndonjë bashkëpunim eventual RDK – LSDM. Unë konfirmova qëndrimin e RDK-së për të tejkaluar problemin e emrit, nevojitet një bashkëpunim në fazën e parë opozitarë dhe më pas pse jo një koalicion i gjerë qeveritarë...Unë u ngeli principiel qëndrimeve të mija deri të tashme se nevojitet një kërkim falje për një gabim që ai dhe partia e tij e ka bërë dikur mirëpo ne e lejmë të hapur mundësin e një bashkëpunimi indirektë në drejtim të tejkalimit të problemeve të cilat janë në nivel të shtetit dhe të problemeve që kanë të bëjnë me avancimin e çështjes së shqiptarëve”, tha Rufi Osmani, kryetar i RDK-së.
Takimi i parë mes dy subjekteve politike shqiptare PDSH-RDK mbajt më 13 dhjetor kur Thaçi dhe Osmani u morën vesh për formimin grupeve punuese për konkretizimin e marrëveshjes, por që nga ajo ditë ende nuk ka asnjë marrëveshje në drejtim të unifikimit të opozitës shqiptare

Bedri Rexhallari