Ofendime të reja ndaj shqiptarëve

Kryeministri Nikolla Gruevski vazhdon të aktrojë kur bëhet fjalë për ofendimet e tifozëve maqedonas ndajë shqiptarëve që lëshohen nëpër stadiume siç ishte edhe rasti më i ri në ndeshjen e mbrëmshme me Danimarkën. Pas ndeshjes me Çekinë edhe në këtë ndeshje tifozët maqedonas fyer rëndë shqiptarët. Nga deklarata e Gruevskit mund të konstatohet askush deri më tani nga kabineti i tij nuk i ka sqaruar atë që pop ndodh në ndeshjet e hendbollit të kombëtares maqedonase ku  para 3 ditësh edhe lojtarët  u përfshinë në brohoritjet antishqiptare.  “ Nuk i kam dëgjuar, por nëse ka pasur brohoritje të tilla ashtu edhe siç thash dhe dje, unë i dënoj të gjitha llojet e ofendimeve, veçanërisht nëse janë në baza etnike dhe fetare”, tha Nikolla Gruevski, kryeministër. Ndërkohë ofendimet ndaj shqiptarëve u transferuan edhe në faqen e fansave të kombëtares maqedonase në facebook. Në këtë faqe mund të lexohen thirrje akoma më të vrazhda ndaj shqiptarëve. ALSAT-M veçoi vetëm një status të postuar:  “A e dini pse Maqedonia arrinë rezultatet të mira në basketboll, Uaterpollo dhe hendboll? Përderisa nuk përzihen aty plehrat shqiptarë në basketboll, uaterpollo dhe hendboll, ne do të arrijmë edhe shumë suksese ku do që të paraqiten vetëm maqedonas me gjak të pastër...” Rikujtojmë se ndeshja e mbrëmshme mes kombëtares së Maqedonisë dhe Danimarkës u pushtua nga thirrjet dhe ofendimet ‘Le ta kuptojnë shqiptarët e mallkuar, se emri ‘maqedonas’ kurrë nuk shuhet’. Thirrjet e tifozëve u ndezën diku pas minutës së 20 të ndeshjes, ndërkohë që nga ana tjetër, nuk ka pasur asnjë grup tifozësh shqiptarësh, dhe as ndonjë ekip shqiptar në parket. Valmir Kuçi