Afganistan, 24 vjeçarja lind gjashtënjakë

Një vajzë 24 vjeçare nga Afganistani ka habitur gjithë opinionin botëror pas lajmit të lindjes së saj, gjashtë-njak. Sara Gul, banore e një province në Veri të Afganistanit dje në mëngjes ka lindur 3 vajza dhe 3 djem në një spital në qytetin Mazar e Sharif. Kjo ishte lindja e parë e saj. Sipas mjekëve kjo është një mrekulli , pasi është shumë e vështirë pothuajse e pamundur që një grua shtatzënë të lindë gjashtënjak, pa pasur nevojë për ndërhyrje mjekësore. Afganistani në tërë  botën njihet si vend ku vdekshmëria e bebeve dhe nënave të reja gjatë procesit të lindjes është e madhe, për shkak të moskujdesit. Po ashtu, sipas institutit të statistikave, një në 10 fëmijë në Afganistan, vdes para se të arrijë moshën 5-vjeçare, për shkak të skamjes. Materniteti ku kanë lindur gjashtë-njakët, thonë për BBC-në se të 6 foshnjat janë në gjendje të mirë shëndetësore, edhe pse kanë lindur me peshë tepër të vogël. Foshnjat momentalisht gjenden në inkubator dhe për to kujdesen mjekët me një trajtim të veçantë. Nëna e re është në gjendje të mirë, vetëm se është tejet e dëshpëruar që ka lindur kaq shumë fëmijë. Hadije Abdullahi