Londër, shkëlqeu një diell artificial

Dielli artificial shkëlqeu mbi Londër. Dielli ishte vepër artistike e një grupi artistësh të quajtur Greyworld. Atyre iu desh të punonin për 6 muaj me radhë për të realizuar një instalim të tillë ndriçues. Dielli artificial shkëlqen me fuqi të barabartë me 60 000 llambash, dhe është 30 000 herë më i madh se një top futbolli, peshon 2,5 tonë dhe është me sipërfaqe prej 200 metrash katrorë. Artistët kanë krijuar këtë vepër artistike në ditën më të errët të vitit për të ngrohur dhe buzëqeshur banorët e Londrës.
“Grupi ynë Greyworld ka në fokus realizimin e artit publik. Me artin publik në fakt, nuk ke më shumë se sa disa sekonda për t’i tërhequr vëmendjen dikujt, prandaj ne përpiqemi kaq shumë që gjithmonë të kërkojmë formën se si t’i tërheqim njerëzit dhe t’u japim mundësinë të shijojnë artin. Kjo është shumë e drejtpërdrejtë.... çfarë do ishte më e drejtpërdrejtë se Dielli? Sidomos në ditën më të errët të vitit kur bën shumë ftohtë, mundësia për të mbushur sheshin Trafalgar me dritë diellore nuk mund të refuzohet”, tha  Anrej Shoben, artist.
Dielli tërhoqi vëmendjen e banorëve të shumtë të Londrës. Një pjesë e tyre ishin informuar përmes rrjeteve sociale, dhe kishin ardhur enkas për të parë këtë ngjarje.
“Nga kjo..mund të ndjejmë edhe shumë ngrohtësi. Mendoj se është e mrekullueshme, më vjen mirë që jam këtu... ky rast të jepet vetëm njëherë në jetë”, u shpreh  Makson Grin, visitor.
“Për këtë mësuam nga Tuiteri dhe menduam se është mënyrë e mirë për të filluar javën. Me të vërtet, është impresionuese kur shikon një top të portokalltë që lëshon edhe ngrohtësi”, tha Xhez Pazanoes, vizitor.
Shumica e qytetarëve shfrytëzuan rastin e vetëm për të bërë fotografi pranë diellor artificial. Ai shkëlqeu në sheshin Trafalgar, por mësohet se së shpejti do të shkëlqejë edhe në qytete të tjera nëpër botë. Bojana Simonoviq