ALSAT-M: Mojsiu: Kontesti i emrit është i pakuptimtë

Mojsiu: Kontesti i emrit është i pakuptimtë
================================================================================
Alsat M on 19/03/2010 17:25:00
 
Për ish-shefin e shtetit shqiptar, Alfred Moisiu janë të pakuptueshme
mosmarrëveshjet për emrin mes Maqedonisë dhe Greqisë. Ai bën thirrje që
të mos i jepet një rëndësi aq e madhe, por edhe që të mos krijohen
probleme artificiale.
Moisiu dha një mesazh serioz për liderët e partive politike shqiptare në
Maqedoni. Ai iu bën thirrje që të përmirësojnë nivelin e komunikimit dhe
marrëdhëniet.
Moisiu i vlerësoi si pozitive zhvillimet në rajon, duke aluduar në njohjen e
pavarësisë së Kosovës nga Maqedonia dhe vizitën e fundit të ministrit të
Jashtëm shqiptar, Ilir Meta, në Beograd. Ai thotë se nuk duhet të
mbështetet ideja për ndarjen e Kosovës, sepse me këtë do të destabilizohej
i gjithë rajoni. Moisiu sot mbajti një ligjëratë për studentët në
Universitetin Ndërkombëtar në Strugë për shumë tema, politike dhe
shoqërore. Ai ishte president i Shqipërisë prej vitit 2002 deri më 2007, kur
në këtë post u zëvendësua nga Bamir Topi.
Miki Trajkovski