ALSAT-M: “Zgjohu”: Në qendër të vendosen edhe monumente shqiptare

“Zgjohu”: Në qendër të vendosen edhe monumente shqiptare
================================================================================
ALSAT M on 08/02/2010 13:13:00
 
Lëvizja Qytetare “ZGJOHU” dhe organizatat tjera joqeveritare duke
përshëndetur gatishmërinë e ministres së Kulturës, Elisabeta
Kamçevska-Milevska kërkon që në projektin “Shkupi 2014” të përfshihen
monumente shqiptare në sheshin e qytetit të Shkupit në mënyrë që ky shesh
të rrezatojë frymë shumëetnike, shumëfetare, që e karakterizojnë këtë
shtet.
Lëvizja ZGJOHU! propozon që Qeveria dhe Komuna Qendër të ndërtojnë
shtëpinë аutentike të Nënës Terezë ku qëndron pllaka përkujtimore për
shtëpinë e familjes Bojaxhiu në sheshin Maqedonia. Më tej, “ZGJOHU” i
propozon Ministrisë së Kulturës që të ndërtojë Xhaminë Burmali, bashkë
me monumente të Adem Jasharit, 28 nëntorit, 17 shkurtit, dëshmorëve të
Ushtrisë Çlirimtare Kombëtare nga viti 2001, dëshmorëve shqiptarë nga
Maqedonia të rënë në radhët e Ushtrisë Çlirimtare të Kosovës,
dëshmorit të USHT-së, Abdylselam Emini, Hasan Prishtinës, Ismail Qemalit,
Isa Boletinit, Lidhjës së Prizrenit, Jashar Bej Shkupit, Mit'hat Frashërit,
motrave Qiriazi, Ibrahim Rugovës, Ferid Muratit, Luan Haradinajt, Kullën
Shqiptare si dhe shumë propozime tjera që do t'iu dorëzojmë në vijim për
qytetet tjera në gjithë Maqedoninë.
Sipas Lëvizjes qytetare “Zgjohu” projekti përjashtues "Shkupi 2014" ka
gjasë që të reflektojë vlera të përbashkëta nëse përfshihen propozimet
e Lëvizjes ZGJOHU dhe propozimet e bashkësive tjera, të kombinuara me dy
monumente që do të simbolizonin NATO-n dhe BE-në. /alsat-m/