ALSAT-M: Osmani i hedh poshtë akuzat e Bejtës

Osmani i hedh poshtë akuzat e Bejtës
================================================================================
ALSAT M on 30/12/2009 13:43:00
 
Kryetari i Komunës së Gostivarit Rufi Osmani sot i hodhi poshtë akuzat e
Nevzat Bejtës. Ish kreu i Gostivarit, akuzoi dje Osmanin se vitin 2009,
banorët e këtij qytetit do ta mbajnë mend për largimet nga puna dhe pengimin
e të gjitha investimeve në qytet. Ndryshe nga Bejta, Osmani tha se Gostivari
në vitin 2009, është shpallur si komuna më e suksesshme. “Në këtë
periudhë kohore zbatuam reformat ë shumta në sektorin e arsimit, urbanizmit
tatimeve komunale , administratës komunale, dhe për pasojë të këtyre
reformave ne tanimë jemi komuna më e suksesshme në Maqedoni, në arkëtimin e
taksave komunale , kjo informatë është zyrtare e Ministrisë së Financave. 
Me sukses maksimal me mbi 95 % realizuam buxhetin e vitit 2009, duke paguar një
milion e 400 000 euro nga borxhet e trashëguara dhe investuam 600 000 euro në
rrugët lokale”, deklaroi Rufi Osmani, kryetar i komunës së Gostivarit.
Osmani theksoi se një numër i madh i aktiviteteve, nuk ka mundur të
realizohen për shkak të obstruksioneve të bëra nga ish kryetari Bejta dhe
Qeveria. Por megjithatë, shtoi ai, investimet e bëra në kohën që komuna
drejtohet nga ekipi i tij, mund ët vërehen shumë qartë. “ Kush është
daltonist politik dhe nuk dëshiron ti sheh këto investime, ne i japim këtë
apel, le të urdhërojë inspektorati shtetërorë i financave le të vjen le
të kontrollon aktivitetin legal të Komunës, u shpreh Osmani. Ai po ashtu
premtoi se së shpejti Komuna e Gostivarit do t’i përmbush detyrimet e veta
rreth zgjidhjes së problemit me deponinë Rusino në Tetovë.
Bashkim Sulejmani