ALSAT-M: Hyseni lobon për njohje të reja në OKB

Hyseni lobon për njohje të reja në OKB
================================================================================
Alsat M on 28/07/2010 09:06:00
 
Ministri i jashtëm i Kosovës, Skender Hyseni, është takuar me shumë
përfaqësues të vendeve në OKB, që nuk e kanë njohur Kosovën, duke
kërkuar nga ata që të “lëvizin në drejtim” të njohjes së shtetësisë
së Kosovës.
Në këto takime në Nju Jork, siç njofton Ministria e jashtme e Kosovës, zoti
Hyseni u ka shpjeguar bashkëbiseduesve të tij përmbajtjen dhe kuptimin e
mendimit të Gjykatës Ndërkombëtare të Drejtësisë në Hagë, për
pavarësinë e Kosovës.
Meqë ky mendim ishte në favor të Kosovës, ministri Hyseni, ka thënë se
“është rikonfirmuar e drejta e Kosovës për shtetësi”.
Në njoftim nuk është saktësuar se me përfaqësuesit e cilave shteteve
është takuar zoti Hyseni. evropa e lire