ALSAT-M: AK: Qeveria po e provokon situatën në vend

AK: Qeveria po e provokon situatën në vend
================================================================================
Alsat M on 07/02/2010 14:40:00
 
Alternativa Kombëtare vlerëson se Qeveria e Maqedonisë po provokon situatën
në vend.  Sipas këtij subjekti politik, kulmi i kësaj ka qenë gjykimi i ish
ushtarëve të UÇK-së me burgim të përjetshëm në krye me kryetarin e
Alternativës Kombëtare Harun Aliu, pa, siç thuhet në reagim, asnjë dëshmi
apo provë materiale.
Me këtë rast thuhet në reagim, ‘AK-ja dënon ashpër politikën
diskriminues dhe fushatën antishqiptare të qeverisë së Maqedonisë, si dhe i
bën apel të gjitha subjekteve politike dhe jo politike në vend të mos
heshtin përballë kësaj situate të tensionua’. Gjykata Penale e Shkupit,
të enjten, u shqiptoi dënime me burg të përjetshëm Harun Aliut, Ismail
Akemit dhe Bashkim Bajramit për vrasjen e policit të njësive speciale
“Tigrat”, Zoran Markovski.
Sipas akuzës, ata ngarkohen se më 3 janar të vitit 2008, në lagjen
Autokomanda të Shkupit, kanë sulmuar xhipin e policisë, në të cilin
gjendeshin Markovski dhe katër policë të tjerë. Sulmuesit, sipas akuzës, me
vrasjen kanë dashur të hakmerren për aksionin policor “Stuhia malore” në
Brodec të Tetovës. /alsat-m/