ALSAT-M: Obama: Nuk ka krizë në raportet me Izraelin

Obama: Nuk ka krizë në raportet me Izraelin
================================================================================
Alsat M on 18/03/2010 08:59:00
 
Presidenti amerikan Barak Obama tha se planet e Izraelit për të ndërtuar
mijëra shtëpi tjera hebreje afër Jerusalemit lindor, nuk i ndihmojnë
procesit të paqes në Lindjen e Mesme, por ai shtoi se çështja nuk ka çuar
në “krizë” ndërmjet Shteteve të Bashkuara dhe Izraelit.
Në një intervistë për televizionin FOX, Obama tha se SHBA dhe Izraeli kanë
atë që e quajti “lidhje të posaçme që nuk shkëputen”, por shtoi se
“miqtë” ndonjëherë kanë mospajtime.
Javën e kaluar SHBA i dënoi planet për ndërtimin e 1.600 shtëpive në
Jerusalemin Lindor, që palestinezët e konsiderojnë kryeqytet të shtetit të
ardhshëm. /rel/