ALSAT-M: Janukoviq në epërsi ndaj Timoshenkos

Janukoviq në epërsi ndaj Timoshenkos
================================================================================
ALSAT M on 08/02/2010 00:37:00
 
Lideri i opozitës Viktor Janukoviq prin sipas rezultateve paraprake të
zgjedhjeve presidenciale në Ukrainë, por epërsia e tij ndaj kryeministres
Julia Timoshenko nuk është shumë e lartë. Sipas exit-polleve të bëra
menjëherë pas mbylljes së vendvotimeve, prorusi Janukoviq ka një avantazh
prej 3 deri në 5 për qind ndaj Timoshenkos. Nëse Janukoviq fiton raundin e
dytë të zgjedhjeve, atëherë ai do të kthehet serish në postin e
presidentit të Ukrainës, nga i cili u largua pas Revolucionit Portokalli
gjashtë vjet më parë. Janukoviq ka paralajmëruar se nëse fiton zgjedhjet do
të ndryshojë kursin e politikës ukrainase, duke e bërë atë më proruse. 
Analistët vlerësojnë se humbja e krerëve që udhëhoqën Revolucionin
Portokalli në vitin 2004, është pasojë e dëshpërimit të qytetarëve me
mos realizimin e premtimeve të dhëna.