Drithërat, lejohet importi nga jashtë

Me vendimin e ri të Qeverisë të miratuar në seancën e mbrëmshme, nga dita e sotme mullisët nuk janë të obliguar të blejnë tre kilogram grurë vendor që të importojnë një kilogram nga jashtë. Por, ngel në fuqi obligimi për blerjen e miellit. Kjo do të thotë se ato mullis të cilët duhet të blejnë një kilogram miell nga jashtë, patjetër duhet të blejnë katër kilogram grurë vendor. Kjo vendim ngel deri në mesin e shtatorit. Deri atëherë, Qeveria do ta përcjell gjendjen dhe do të vendos se a do të ngel kjo sasi apo do të anulohet. Sipas ministrit të bujqësisë, zbatimi i deritanishëm i këtyre dispozitave të përkohshme ka treguar rezultat. Vendimin e ri qeveritar, thotë ai, e pranojnë edhe mullisit edhe bujqit ndërsa pret që çmimi i bukës të ngel i njëjtë.“ Nuk pres ndikime të mëdha në çmimet e miellit, gjegjësisht në çmimin përfundimtar të bukës. Edhe pse në disa vende çmimet e bukës janë rritur, kjo nuk është rast tek ne” u shpreh ministri i bujqësisë Lupço Dimovski. Nga LSDM-ja opozitare vlerësojnë se me vendimin e mbrëmshëm të Qeverisë do të shkaktohet ulje e çmimit të grurit vendor dhe me këtë do të goditen prodhuesit kurse do të ketë dëmtime edhe te mullisët të cilëve iu mungon gruri. Ministri nuk pajtohet me këtë mendim.“Tregu është ai që rregullon marrëdhëniet. Nuk besoj që do të ketë dëmtime në këtë pjesë” tha ministri i bujqësisë Dimovski.Nga Ministria e bujqësisë paralajmërojnë se deri më tani janë blerë gjithsej 50 mijë ton grurë vendor. Çmimi mesatar në 15 ditët e kaluara ishte 9,8 denarë për një kilogram kurse tani është 10 e gjysmë. Në fillim të muajit të kaluar Qeveria pret që blerja të fitoj në dinamikë kurse në rast nevoje do të importohet grurë shtesë nga jashtë.  Verica Pavllovska