Maqedoni, papunësia mbetet e lartë

Papunësia në Maqedoni edhe për një kohë të gjatë do të jetë e lartë. Ky parashikim vjen nga organizata e punëdhënësve të Maqedonisë, sipas të cilës derisa në Maqedoni nuk ka rritje ekonomike, numri i të papunëve në vend do të mbetet i pandryshuar.“Pa rritje ekonomike nuk ka ulje të papunësisë.Rritja ekonomike ka rëndësi të madhe për ne punëdhënësit, ndërsa në anën tjetër me zhvillimin ekonomik do të kemi edhe ulje të papunësisë” - vlerëson kryetar i Organizatës së Punëdhënësve të Maqedonisë, Dimitar Stojanovski.
Marrëveshja e firmosur mes tre partnerëve social ka për qëllim zbutjen e efekteve negative në ekonomi, mbrojtjen e drejtave të punëtorit  dhe dialog mes tyre për çështjet e rëndësishme ekonomike.
“Nënshkruam marrëveshjen për konstituimin e këtij këshilli ekonomiko-social i cili do të ketë rol konsultativ dhe këshilldhënës për Qeverinë në drejtim të krijimit të politikave sociale, ekonomike dhe sferën e punës” tha ministri i Punës dhe Politikës Sociale Xhelal Bajrami. Ndryshimi i metodologjisë për përcaktimin e shportës harxhuese, do të jetë nisma e parë e këtij këshilli.
“Propozuam hartimin e një modeli  tjetër për përcaktimin e shportës harxhuese, përkatësisht shporta harxhuese të përpilohet në bazë kritereve të reja’ theksoi kryetari i LSM-së Zhivko Mitrevski.
Marrëveshja për partneritet social është firmosur me sindikatat cilat kanë më tepër anëtarë.  Lidhja e sindikatave të Maqedonisë me mbi 70.000 anëtarë, u prinë organizatave sindikaliste, e pasuar nga Konfederata e sindikatave të lira me reth 55 mijë anëtarë të regjistruar.  Nevzat Mamuti