Pemët dhe perimet me çmime evropiane

Eksporti i domateve këtë vit është i njëjtë sikurse gjatë vitit 2008, ndërsa çmimi është shumë më i lartë. Ekspertët këtë problem e fokusojnë tek blerësit me shumicë. Para dy viteve në të njëjtën kohë, një kilogram domate me shumicë është shitur prej 25-13 denarë, ndërsa këtë vit sasia e njëjtë kushton prej  25- 30 denarë. Ekspertët nga fusha e bujqësisë thonë se çmimet i sajojnë vetë blerësit dhe se ata janë fajtorët kryesor për dallimet drastike të çmimeve nga viti në vit.
“Është e vërtetë se tregtarët luajnë rol të caktuar gjatë manipulimit me çmimt. Jemi dëshmitar të rasteve kur tregtarët i sajojnë çmimet në dëm të prodhuesve bujqësor”, tha Risto Vuçkov, Ekspert i bujqësisë.
Vuçkov thotë se shteti duhet të ketë strategji për mbrojtjen e bujqve nga dukuritë e tilla, sidomos, siç këtë vit, kur ka kërkesë të madhe të kulturave të hershme të kopshtarisë. Ministria e  bujqësisë  kohë më parë miratoi një rregullore, në të cilën thuhet se të gjithë ata që duan të bëjnë grumbullimin dhe eksportin e prodhimeve bujqësore, do të duhet të regjistrohen. Rregullorja vlen edhe për grumbullimin e drithërave, farave vajdhënëse, kafshëve, qumështit, perimeve, kërpudhave, rrushit për verë dhe rrushit të zakonshëm. Këtë vit, prodhime më të eksportuara janë: lakra dhe llojet e saj, mollët, ftonjtë dhe domatet.  Verica Pavllovski