Deri më 15 mars, afat për deklarimin e tatimit të të Hyrave Publike

Kanë mbetur edhe tre ditë që të mund qytetarët t’i dorëzojnë deklaratat tatimore të të Hyrave Publike. Afati i fundit deri kur mund të dorëzohen aplikimet është e hëna deri në orët e pasdites.
Nga DAP-i thonë se  deri tani janë dorëzuar 87 mijë aplikime, ndërsa  pritet që të dorëzohen rreth 150 mijë. Ndryshe, deklarata tatimore dorëzojnë të gjithë qytetarët të cilët realizojnë të ardhura jashtë rrogave dhe pensioneve. Nga DAP përsërisin, se nuk dorëzohen aplikacioneve për pagat e marra apo pensionet, por në qoftë se ju nuk merrni paga, ndërsa keni të ardhura tjera, si marrëveshje me agjencitë e autorëve, qira, dividentë, ato para duhet të paraqiten në DAP.
Për të mundësuar që qytetarët të deklarojnë të ardhurat e tyre DAP-i do të punojë me intensitet më të lartë gjatë tri ditëve të ardhshme.
"Për shkak se shumë njerëz nuk kanë përmbushur ende detyrimin për të raportuar të ardhurat e vitit 2009, të gjitha zyrat e taksave të DAP-it, do të punojnë këtë fundjavë, do të thotë të shtunën dhe të dielën nga ora 8 e 30 deri në 16e 30 minuta, ndërsa tek sportelet prapa nesh, Qendra kontaktuese e Departamentit e vendosur në qendër të qytetit në Shkup nesër do të punojë prej orës 9 deri në 20 e 30 minuta, dhe të dielën prej orës 9 deri 17. Gjithashtu në Qendrën e Kontaktit qytetarët të cilët jetojnë dhe punojnë në Shkup, ndërsa janë nga ndonjë qytet tjetër, që të mos udhëtojnë ose të dërgojnë me postë deklaratat tatimore, këtu mund personalisht ta dorëzojnë deklaratën e tyre”, deklaroi Vesna Novakoviç, zëdhënëse e DAP-it. /alsat-m/