Doganat për automjetet e reja dhe të vjetra do të jenë pesë për qind

Doganat për automjetet e reja dhe të vjetra barazohen dhe do të jenë pesë për qind. Këtë e parasheh amendamenti i ndryshimeve dhe plotësimeve të Ligjit për tarifë doganore që sot u pranua nga Komisioni kuvendor për financim dhe buxhet, i dorëzuar nga një grup deputetësh të VMRO-DPMNE-së."Me këtë do të bëhej bashkimi i tërësishëm i shkallëve doganore në kapitullin 87 të tarifores doganore tek automjetet e pasagjerëve me çka edhe automjete e reja edhe ato të përdorura do të jenë me të dhëna të njëjta doganore prej pesë për qind. Me të dhënat e njëjta doganore do të doganoheshin të gjitha automjetet pavarësisht llojit të karoserisë dhe performansave teknike të automjetit", tha Nada Stançevska nga VMRO-DPMNE, e cila është njëra prej propozuesve të amendamentit.
Anëtarët e Komisionit e miratuan edhe amendamentin me të cilin propozohet Propozim-ligj për ndryshimin dhe plotësimin e ligjit për tarifë doganore të hyjë në fuqi menjëherë pas publikimit në Gazetën zyrtare. Me këtë, fuqizimi i këtij ligji harmonizohet me hyrjen në fuqi të Ligjit për ndryshimin dhe plotësimin e Ligjit për akcizat. /mia/