DHP, linjë telefonike për tatimorët

Linja falas telefonike është 0800 33 000

Qytetarët prej sot përmes telefonit pa pagesë do të mund të informohen për detyrimet e tyre tatimore dhe si saktësisht dhe në kohë t’i shlyejnë detyrimet. Drejtoria e të Hyrave Publike (DHP) e promovoi sot Qendrën nacionale të thirrjes me linjën falas telefonike 0800 33 000 e cila do të funksionojë 24 orë, shtatë ditë në javë. Drejtoria bëri të ditur se përfundimisht me dje janë dorëzuar rreth 40.000 fletëparaqitje vjetore tatimore.
"Tatimpaguesit do të mund në kohë të informohen për të gjitha llojet e tatimeve që i administron DHP, kurse ato janë TVSH-ja, tatimi personal i të ardhurave, tatimi mbi fitimin dhe procedurat për fiskalizimin, pastaj mënyra e paraqitjes së fletëparaqitjeve elektronike tatimore. Nëpërmjet Qendrës do të ketë edhe udhëzime për tatimpaguesit lidhur me borxhet që i kanë ndaj Drejtorisë së të Hyrave Publike", deklaroi Muhedin Avdiq, nga Drejtoria e të Hyrave Publike. /alsat-m/