Dua Lipa pranon se nuk i pëlqen shumë klubi.

Në një intervistë së fundmi për The Sun, këngëtarja me prejardhje shqiptare, ka treguar se preferon më shumë të qëndroj në shtëpi me shoqërinë e saj se sa të dal në klube.

Dua në këtë intervistë për The Sun ka thënë se “ndihem sikur klubet nuk janë në të vërtetë skena ime”.

 “Tani që unë udhëtoj kaq shumë e vlerësoj shumë më tepër vetëm t’i mbledh të gjithë miqtë e mi, të hamë një darkë së bashku pastaj të përfundojmë duke qëndruar zgjuar deri vonë vetëm duke biseduar për gjithçka”, ka thënë këngëtarja Lipa.

Ndërsa lidhur me lidhjet e saj dhe publikimin e tyre në media, Dua ka dhënë një përgjigje mjaft të fuqishme. “Ju kurrë nuk do të fitoni ndonjë çmim për atë me të cilin ju takoheni. Kjo nuk duhet të jetë me të vërtetë e rëndësishme. Ajo që ka rëndësi për mua është muzika”.

Ajo ka treguar se komunikimi me disa nga vajzat në rrjetet sociale, ka ndikuar që ato të bëhen shoqe.

“Kam marrë shumë mesazhe nga vajzat që më tregojnë se i fuqizoj. Kjo do të thotë shumë, me të vërtetë. Ne bëhemi mike dhe nëse kanë diçka për të më treguar, ato më shkruajnë në Twitter. Unë u them atyre se kam kaluar nëpër të njëjtat gjëra. Dhe unë do të flas me ato, ashtu siç flas me motrën time (Rinën) ose vëllanë tim të vogël (Gjinin). Gjithmonë kam provuar të jap një shembull të mirë”, ka thënë Dua.

Shpërndaj me