Fidel Kastro: Në Kubë nuk funksionon modeli i ekonomisë

A thua Fidel Kastro sinqerisht ka biseduar me gazetarin amerikan, Xhefri Goldberg në lidhje me situatën e tanishme ekonomike dhe politike në Kubë? Sipas gazetarit, Kastro njofton për një ndryshim thelbësor të sistemit të vjetër më shumë se 50 vjeçar në vend. Këtë deklaratë, Havana zyrtare nuk e ka mohuar."Modeli kubanez më nuk funksionon për ne," i ka thënë Kastro, Goldbergut gjatë takimit të tyre javën e kaluar, ndërsa detajet janë publikuar në blogun e internetit për mes të cilit ky gazetar njofton nga SHBA-ja. Se diçka po ndryshon në Kubë flasin edhe ngjarjet e  përditshme. Shteti shkurton shumë vende pune për të cilat paguan paga nga buxheti i shtetit. Kubanezët kanë reaguar me skepticizëm ndaj ndryshimeve të reja që duket në mënyrë të pashmangshme fillojnë të zbatohen në Kubën e ashpër. "Gjërat janë duke ndryshuar për një kohë të shkurtë, brenda natës. Unë nuk e di se çfarë të them, nuk më pëlqen kjo. Për shembull këtu me vite me rradhë kishte një dyqan berberi. Por papritmas u mbyll. Pse të ndodh kjo kur këtu ka pasur gjithmonë berber? Nuk më pëlqen ky ligj i ri aspak " shprehet Anahis, një banor i Havanës.Sipas njoftimeve zyrtare nga Partia Komuniste, tre muajt e parë të vitit të ardhshëm do të shkurtohen gjysmë milioni vende pune, që është rreth 20% e shfrytëzuesve të buxhetit. Shkak janë problemet rreth mbushjes së arkës së shtetit. Prandaj, shteti ka lejuar zhvillimin më të shpejtë të sektorit privat, edhe pse tani nuk rrezikohet dominimi i vendit në degët kryesore ekonomike, si prodhimi i sheqerit dhe duhanit. Ivan Blazhevski