Seri tërmetesh në Zelandën e Re

Disa ditë pas tërmetit të fortë në qytetin e Krist Çërç në Zelandën e Re nuk ndalen dridhjet. Tërmeti i ri sot në mëngjes i nxori banorët e frikësuar në rrugë. Përsëri u  ndërpre furnizimi me energji elektrike, ndërsa kanë rënë edhe pjesë të fasadave të dëmtuara më parë. Të shtunën, rajonin e goditi një tërmet i fortë prej 7,1 ballë sipas shkallës Rihter, pas së cilit vijuan edhe të paktën 135 tronditje, disa më të forta se 5 ballë, ndërsa nuk pati viktima. Në këtë pjesë të oqeanit kalon e ashtuquajtura Unaza e zjarrtë e oqeanit paqësor, apo skajet e disa pllakave të mëdha tektonike ku  fërkimet e tyre shkaktojnë tërmete të forta dhe shpërthime vullkanike. “Gjendjen e jashtëzakonshme që e shpalla disa orë pas tërmetit të parë, e shqyrtuam sot përsëri. Pas shqyrtimit të informacioneve vendosëm që të njëjtën ta vazhdojmë edhe për një javë.”, thotë BOB PARKER, kryebashkiak i Kristçërç. Alsat-M