Në Rusi sërish zjarre

Pas qetësimit disa javor të situatës për shkak të shirave, në Rusi u paraqitën zjarre të reja. Kësaj radhe në pjesën jugore të vendit. Pesë persona kanë humbur jetën, ndërsa vetëm gjatë dy ditëve të fundit janë shkatërruar rreth 500 shtëpi. Në rajonin rreth Volkogradit sot janë evakuuar rreth një mijë qytetarë. Zjarre të pyjeve janë regjistruar edhe në rajonin Saratov ku ka ndërprerje të shumta të komunikacionit rrugor. Kësaj radhe, në vend të kohës së ngrohte dhe të thatë, autoritetet kanë shpjegim tjetër për zjarret.“Vlerësojmë se shkaku kryesor është faktori njeri. Thjesht nuk ka të ikur nga ajo. Kishim edhe disa raste të zjarreve të shkaktuara nga problemet me rrymë, por shumica djegin mbeturina në mënyrë ilegale, gjë që bën zjarri të zgjerohet edhe më shumë” tha Oleg Grebenjuk, ministër për situata të jashtëzakonshme