Kili: Zbulohen dashnoret e minatorëve

Rrëfimi rreth shpëtimit të 33 minatorëve kilian, të cilët prej 28 ditësh gjenden të ngujuar në minierën e bakrit, po merr edhe dimensione komike. Siç shkruan gazeta britanike “Telegraf”, disa prej tyre aq shumë e kanë tepruar në tradhtinë ndaj bashkëshorteve në të kaluarën, por edhe të dashnoreve të tyre sa që tani para kampit të ngritur rreth minierës ndodhin drama të vërteta. Së paku pesë bashkëshorte janë takuar sy më sy me dashnoret e burrave të tyre për të cilat e kanë kuptuar tani kur të gjitha kanë ardhur t’i inkurajojnë të dashurit e tyre që janë nën tokë. Kurse një pjesë e dashnoreve, as që e ka ditur se partnerët e tyre janë të martuar dhe se kanë fëmijë. Ekipi i psikologëve të ngarkuar me punë për t’u kujdesur për shëndetin mental të minatorëve vlerëson se është më mirë tani ata mos të dinë se çfarë ndodh jashtë.