Iran: Filloi mbushja e centralit atomik me karburant

Irani sot e filloi mbushjen e centralit të parë atomik, që është ndërtuar nga Rusia.
Reaktori në pjesën jugore të Iranit, të quajtur Busher, ka startuar në ceremoninë, në të cilën merrnin pjesë zyrtarët të lartë iranianë dhe rusë.
Hapja solemne e këtij centralit bërthamor në Gjirin Persik, për Iranin para së gjithash është një simbol politik, me të cilin ai mund të theksojë pretendimin e vet për shfrytëzim paqësor të energjisë bërthamore.
Në njoftimin e Organizatës për Energji Atomike të Iranit, thuhet se inxhinierët e kanë filluar mbushjen e reaktorit me karburantë, në praninë e inspektorëve të Agjencisë Ndërkombëtare për Energji Atomike.
Për ndërtimin e kapacitetit në Bushehr, janë dashur 35 vjet dhe shumë herë ai ishte rrezikuar nga vonesat.
Ceremonia e startimit u bë në periudhën kur ka shqetësime për programin iranian të pasurimit të uraniumit, për të cilin fuqitë perëndimore thonë se ka për qëllim prodhimin e armatimit bërthamor. Irani i hedhë poshtë këto akuza.
Ekspertët vlerësojnë se fakti që tani, në Busher po vihet më në fund në punë centrali bërthamor, nuk mund të mjaftojë për të shpallur si të rivendosur partneritetin iraniano-rus. Për këtë ka edhe një pikë tjetër që i dhemb shumë Teheranit. Moska vazhdon të refuzojë livrimin në Iran të një sistemi tepër modern të mbrojtjes ajrore S-300. Dhe kjo me gjasë mund të jetë më e rëndësishme se sa starti i centralit të tij të parë bërthamor, për të cilin pret prej vitesh. Alsat-M