Kanada, arinjtë përdoren si narko rojtarë

Kultivuesit e marihuanës në Kanada treguan se me këtë biznes jolegal mund të udhëhiqet edhe në një mënyrë pak më ndryshe. Në vend që bimën e ndaluar ta mbjellin në fushat e dendura të izoluara me kullota të ndryshme, apo të rrethuar me rrethoja ose nëpër pronë të lëshohen qenë të rrezikshëm, dy kanadez u kujtuan që ta shfrytëzojnë ikonën nacionale të vendit të tyre. Për t’i mbajtur larg fqinjët kureshtarë, ata nëpër narko plantazhin e tyre me rreth 1000 fidanë marihuanë, lëshuan që të shëtisin, as më pak e as më shumë, por dhjetë arinj të mëdhenj-ngjyrë kafeje. Megjithatë policia arriti ta zbulojë fshehtësinë që funksiononte sipas proverbit popullor, frika i ruan vreshtat.
‘Shikoni ... pasi në rrethinë u përhap lajmi se nëpër vendin tuaj po sorollaten shumë arinj, nuk besoj se dikush do të guxonte t’u afrohej’, tha Fred Mansfeld, përfaqësues i policisë.
Dy kanadezët e arrestuar janë një burrë dhe një grua. Tashmë ata gjenden nën arrest dhe me siguri do të akuzohen për prodhimin ilegal të drogës. Megjithatë në mbrojtjen e tyre ata tash më pohojnë se marihuanën e kanë kultivuar që të sigurojnë më shumë mjete me të cilat do t’u blinin ushqim arinjve të tyre. Ndërkaq këta narko rojtarë jo të rëndomtë u tregua se nuk janë edhe aq të egër. Madje ata u treguan të butë, ndaj policët bënë edhe disa foto sesione me ta.

Ivan Bllazhevski