Barak Obama është krishter, njoftoi Shtëpia e Bardhë

Presidenti amerikan Barak Obama është krishter, i cili lutet çdo ditë, njoftoi Shtëpia e Bardhë pas rezultateve të publikuara dje nga hulumtimi, sipas të cilit çdo i pesti amerikan konsideron se presidenti është mysliman.
Zëdhënësi i Shtëpisë së Bardhë Bill Barton para gazetarëve deklaroi se shumica e amerikanëve janë të brengosur nga gjendja e ekonomisë dhe nga luftërat në Irak dhe Afganistan dhe për këtë arsye nuk i lexojnë informatat për besimin e presidentit.
Sipas hulumtimit të qendrës "Pju", 18 për qind, më saktësisht pothuajse çdo i pesti amerikan, ka deklaruar se Obama është mysliman - që është më shumë në krahasim me 11 për qindët të cilët ishin të këtij mendimi në mars të vitit 2009.
Përqindja e atyre që me rregull janë përgjigjur - se ai është krishter, është mezi 34 për qind.
Anketuesit këto rezultate i shpjegojnë si pasojë e sulmeve të kundërshtarëve të Obamës, si dhe me faktin se ai merr pjesë në shërbimin kishtar shumë më rrallë se sa paraardhësit e tij Xhorxh Bush dhe Bill Klinton, theksojnë mediat amerikane.
"Obama është krishter. Babi i tij është mysliman nga Kenia, ndërsa e ëma amerikane nga Kanzasi. Nga mosha shtatëvjeçare deri në moshën dhjetëvjeçare ai ka jetuar në Indonezinë dominante myslimane, me të ëmën e tij dhe me babin e dytë indonezian", përkujtojnë agjencitë. /mia/