AI: Të pengohet eksporti i mjeteve për torturim

Organizata për mbrojtjen e të drejtave të njeriut "Amnesti Interneshënëll" i bëri thirrje BE-së t'i "mbyllë" vrimat ligjore, të cilat i shfrytëzojnë më shumë kompani që të eksportojnë mjete për torturim.
Sipas raportit të organizatës të publikuar dje, Çekia dhe Gjermania eksportojnë elektroshokë, sprej djegës dhe pranga në shtatë vende, për të cilat "Amnesti Interneshënëll" pohon se përdorin torturime.
Shumica e vendeve të tjera të BE-së zbulojnë hollësi për eksportim të mjeteve të këtilla, thekson organizata.
Eksportimi i prodhimeve të caktuara, të cilët përdoren për torturim, është shpallur joligjor nga BE-ja. Kompanitë duhet të marrin leje të posaçme për eksport të disa prej mjeteve, të cilat shfrytëzohen nga policia dhe ushtria, si për shembull prangat.
"Amnesti interneshënëll" shpjegoi se firmat shpesh nuk e respektojnë ligjin e BE-së, kështu që i ndërrojnë emrat dhe disejnin e këtyre produkteve.
Bashkimi Evropiane refuzoi ta komentojë raportin e organizatës për mbrojtjen e të drejtave të njeriut. /mia/