Hiqet bllokada në Bregun Perëndimor, në Jerusalem gjendje e tensionuar

Izraeli e hoqi bllokadën në Bregun Perëndimor, por policia në Jeruslaem ende është në gjendje të gatishmërisë së rritur për shkak të rrezikut nga vala e re e dhunës. Bllokada në Bregun Perëndimor, në lumin Jordan ishte vendosur më 11 mars për 48 orë, por për shkak të rrezikut nga trazirat, ishtë vazhduar. Kjo është hera e parë këtë vit autoritetet izraelite të ndërmarrin masa të tilla. Në mbarë Jerusalemin janë sistemuar rreth 3.000 policë dhe kufitarë. Qasja deri te Sheshi i xhamive në Qytetin e Vjetër (Jeruslami lindor) edhe më tej është i ndaluar për myslimanët nën 50 vjet, si dhe për vizitorët nga fetë tjera.
Autoritetet izraelite druajnë nga përleshjet e reja midis palestinezëve dhe forcave të sigurisë pas incidentit të djeshëm në Jerusalemin lindor, me ç'rast janë arrestuar shtatë palestinezë dhe një djjathtist, të cilët kanë tentuar të hyjnë në tempullin Haram al-Sharif, vend i shenjtë mysliman. /mia/