Fëmijët e varfër rrezikohen nga alergjia

Sipas Organizatës botërore të shëndetësisë fëmijët që jetojnë në kushte të këqija sociale dhe ekonomike mund të pësojnë nga alergji dhe sëmundje të ndryshme për shkak së kalimit të kohës së gjatë jashtë si dhe për shkak të përmbytjeve ose përdorimi i ujit me cilësi të vogël. Të dhënat e fundit flasin se 23 për qind nga fëmijët nën moshës 5 vjeçare pësojnë nga sëmundje të shkaktuar nga ambienti i pashëndetshëm. Sot në Parma edhe zyrtarisht filloi Konferenca e ministrave të organizuar nga Zyra evropiane e Organizatës botërore të shëndetësisë në të cilën do të marrin pjesë 27 ministra të shëndetit dhe të ambienit prej 53 vende të Evropës. Në këtë konferencë merr pjesë edhe ministri Bujar Osmani i cili do të flet për masat që merren në vend për zvogëlimin e impaktit të ndryshimeve klimaterike ndaj shëndetit të njerut. Sipas drejtoreshës së zyrës evropiane të Organizatës botërore të shëndetësisë Zhuzhana Jakab, ndryshimet klimaterike, kriza financiare si dhe ndryshimet socioekonomike që krijohen mes shteteve për shkak të problemeve financiare janë mes prioriteteve të qeverive. Sipas saj autoritetet duhet që të luftojnë ndaj ndryshimeve të mëdha socioekonomike dhe të ofrojnë kushte të mirë jetësore.Qëllimi kryesor i kësaj mbledhje është që të përforcohen masat për përmirësimin e ambientit, shëndetit dhe të ndërmerren masa për zvogëlimin e ndikimit të ndryshimeve klimaterike. Për këtë shkak pritet që ministrat të premten të firmosin një deklaratë me të cilën do të obligohen që të garantojnë kushte normale për jetë siç është qasjen për ujë të pastër, cilësi të ajrit, mbrojtje nga materiale toksike etj, nga ana tjetër janë paraparë programe për përforcimin e aktiviteteve fizike të fëmijëve për ndalimin e peshës së tepruar fizike pasi momentalisht 15 milionë fëmijë në botë deri në 19 vite kanë peshë të tepruar. Pjesë e kësaj konference janë edhe përfaqësues të Komisionit Evropian dhe agjencive të ndryshme evropiane për mbrojtjen e ambientit.  Konferenca e ministrave evropiane të ambientit dhe të shëndetit po mbahet për të pestën herë,  ajo përfaqëson mbledhje të parë pas Konferencës së Kopenhagës ku në nivel të lartë do të diskutohet rreth pasojave nga ngrohjes globale kësaj radhe nga këndvështrimi i shëndetit.

Frosina Pandurska Dramiqanin, Parma