Iraku para një pritjeje të gjatë për qeverinë e re

Pas zgjedhjeve parlamentare që u zhvilluan nën hijen e sulmeve, ka gjasa që Iraku të presë gjatë për formimin e qeverisë së re. Për disa provinca dhe rajone të kryeqytetit Bagdat, Komisioni Zgjedhor do t'i publikojë këtë të martë rezultatet paraprake  të votave. Një favorit të qartë deri tani nuk ka. Njoftimet jo zyrtare flasin për aleancën e partive të kryeministrit Nuri el Maliki në kryeqytet dhe në provincat e banuara me shiitë në Jug. Maliki   është në konkurrencë të ashpër me ish aleatin e tij shiit të aleancës kombëtare irakiane, INA, që i takon Këshillit  të Lartë  Islamik Irakian. Rivali tjetër që vjen pas është ish kryeministri shiit Ijad Allavi. Pjesëmarrja  në zgjedhje  të dielën, sipas të dhënave zyrtare, është 62,4 për qind. /dw/